Partner
Sponsor
Description
By: យុពា | 5 months ago
ទិវា ប្រណាំងកង់អន្តរជាតិអង្គរលើកទី៧ បានចាប់ផ្តើម កាលពីព្រឹកថ្ងៃទី១ ខែធ្នូ ឆ្នាំ២០១២
ដោយមានកីឡាករ កីឡាការិនីជាតិ និងអន្តរជាតិចំនួន ៧០០នាក់ចូលរួមប្រកួតប្រជែង។
មុនពេលចាប់ការប្រណាំងឯកឧត្តមបណ្ឌិត ថោង ខុន ប្រធានគណ:កម្មាធិការជាតិអូឡាំពិក កម្ពុជា បានមានប្រសាសន៍ថា ចលនាជិះកង់ គឺជាសកម្មភាពសង្គមមួយ ដែលជួយដល់កិច្ចការងារ បរិស្ថាន កាត់បន្ថយផ្សែងពុលបរិយាកាស ពិសេសការជិះកង់ គឺជាលំហាត់ប្រាណមួយ ដ៏មានប្រសិទ្ធភាពដល់សុខភាព ទាំងផ្លូវកាយ និងផ្លូវចិត្ត។
ឯកឧត្តមបណ្ឌិតបន្ថែមថា «ទិវាប្រណាំងកង់អន្តរជាតិអង្គរនេះ ជាព្រឹត្តិការណ៍មួយដ៏សំខាន់រួម ចំណែក ដល់ការទាក់ទាញភ្ញៀវទេសចរមកទស្សនាទីក្រុងសៀមរាប-អង្គរ និងជាសកម្មភាពការពារ បរិស្ថាន ឆ្ពោះទៅកាន់ការអភិវឌ្ឍន៍ទីក្រុងសៀមរាប អង្គរក្លាយជាទីក្រុងទេសចរណ៍ស្អាត និងបៃតង (Eco-City) នាពេលអនាគត»។
ឯលទ្ធផលមានដូចតទៅ ស្ត្រី ចម្ងាយ ៣០គីឡូម៉ែត្រ លេខ១. ជេននីកូសែល ជនជាតិអង់គ្លេស ២.ហង់ ស៊ីឡាង(កម្ពុជា) លេខ៣.ហេង ស៊ីហ្គេច (កម្ពុជា)។ បុរសចម្ងាយ៣០គីឡូម៉ែត្រលេខ១ យឿន ភីយ៉ាត (កម្ពុជា) លេខ២.ពង់ សូវង់(កម្ពុជា) លេខ៣. ឡូ ខេមរ:។ ចម្ងាយ១០០គីឡូម៉ែត្រស្ត្រី លេខ១.អាន គីម (វៀតណាម) លេខ២.ម៉ាក រូប៊ីន(អាមេរិក)លេខ ៣.ប៉ាក រូប៊ីន (អាមេរិក)។បុរស លេខ១ ឡាក់ គី (កម្ពុជា) លេខ២.ហុង ច័ន្ទមករា(កម្ពុជា) និងលេខ៣.មីសេល តាន់(សឹង្ហបូរី)។
គួរបញ្ជាក់ថា វិញ្ញាដែលត្រូវដាក់ឲ្យប្រកួតមានចំនួន៣វិញ្ញាសា សម្រាប់កង់ ២ប្រភេទ (កង់កួក និងកង់ដៃត្រង់) ។ វិញ្ញាសាទាំង៣នោះរួមមាន វិញ្ញាសាចម្ងាយ១០០គីឡូម៉ែត្រ និងវិញ្ញាសា ចម្ងាយ ៣០គីឡូម៉ែត្រ ជាវិញ្ញាសាដែលត្រូវទទួលបានរង្វាន់អនុស្សាវរីយ៍ ចំណែកវិញ្ញាសាមួយ ទៀត គឺចម្ងាយ ១៧គីឡូម៉ែត្រជាវិញ្ញាសាសម្រាប់ប្រកួត លក្ខណៈកម្សាន្ដ និងអបអរការ ប្រកួត៕
Social Network