កាលពី វេលាល្ងាច​ថ្ងៃ​អាទិត្យ ទី​៤ ខែវិចិ្ឆកា ​ម្សិលមិញនេះ​សហព័ន្ធ​កីឡា​ប្រដាល់​កម្ពុជា

​ក្រោម​កិច្ច​សហ​ការ​ជាមួយ​ ភាគី​ថៃ បានរៀប​ចំ​ព្រឹត្តិការណ៍​«​Cambodia and Thailand for

Samdech Decho Hun Sen Cup 2012»  ។ ការប្រកួតនេះមានន័យថា កម្ពុជា និងថៃពួតដៃគ្នា ប្រកួតជាមួយកីឡាបរទេសឆ្លងដែន ដែលធ្វើឡើងលើសង្វៀនណាហ្គាវើល។

ក្នុង​ព្រឹត្តិ​ការណ៍​ប្រកួត​កីឡា​ប្រដាល់ ​ស្នៀត​គុន​បុរាណ​ខ្មែរ​មិត្ត​ភាព​អន្តរ​ជាតិ​ដែល​មាន​កីឡាករ​កម្ពុជា​និង​ ថៃ១០​រូប​ រួម​ដៃ​គ្នា​ប្រកួត​ជា មួយ​កីឡាករ​បរទេស​ល្បី​ៗ​១០​រូប​មក​ពី​បណ្តា​ ប្រទេស​នានា​លើ​ពិភព​លោក។ ជាលទ្ធផលគឺពានធំបានទៅលើក្រុមរួមដៃគ្នា រវាង កម្ពុជា និងថៃ ជាអ្នកបានឈ្នះពាននេះ។

ឯកឧត្តមបណ្ឌិត ថោង ខុន ប្រធាន NOCC ថតរូបអនុស្សាវរីយ៍ជាមួយជ័យលាភី

 ពិធីប្រគល់ពានធំនេះស្ថិតក្រោមអធិបតីភាពឯកឧត្តមបណ្ឌិត ថោង ខុន រដ្ឋមន្រ្តីក្រសួងទេសចរណ៍ និងជាប្រធានគណ:កម្មាធិការជាតិ អូឡាំពិកកម្ពុជា និងជាតំណាងដ៏ខ្ពង់ខ្ពស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្រ្តី រដ្ឋមន្រ្តីទីស្តីការគណ:រដ្ឋមន្រ្តី។

​ឯលទ្ធផលមានដូចតទៅ គូទី១ លៀង ស៊ីពេជ្រ ឈ្នះ​ពិន្ទុ វ៉ាន់ ចាន់វៃ គូទី២ យ៉េន ឌីណា ឈ្នះ​ពិន្ទុ សារឿន ចាន់(២គូខាងដើម ជាការ ប្រកួតរវាងកីឡាករខ្មែរ និងខ្មែរ ប៉ុណ្ណោះ) ។

ចាប់ពីគូទី៣ទៅ ជាការប្រកួតរវាងខ្មែរនិងបរទេស និងថៃ និងបរទេសដែរ។ ឯលទ្ធផលគឺ គូទី៣ Rungravee Saslpraps ឈ្នះ​ពិន្ទុ Juan Marion គូទី៤សែន រ៉ាឌី ឈ្នះពិន្ទុ Yusuke Otahara គូទី៥ ឈ្នះពិន្ទុ Umar Ssemata គូទី៦ឃីម ឌីម៉ា ឈ្នះពិន្ទុ Steve Claude គូទី៧ Apirak K.T.Gym ឈ្នះពិន្ទុ Leonardo Moniteiro គូទី៨ សេន ប៊ុនថេន ឈ្នះពិន្ទុ Ushkanov គូទី៩ K Nomaksin ចាញ់ទឹកទី៣ Kamen Ploken គូទី១០ កែវ រំចង់ ឈ្នះពិន្ទុ Victor Nagbe គូទី១១ Fahpayab Kwaithong Gym ឈ្នះពិន្ទុ Edu Mollna និងគូទី១២ បឺត ខាំ ឈ្នះពិន្ទុ Gustava Ferreira៕