វគ្គសិក្សារដ្ឋបាលកីឡា តាមរយ:ជំនួយរបស់អង្គការសាមគ្គីអូឡាំពិក (OS)  គណ:កម្មា ធិការជាតិអូឡាំពិកម្ពុជា(NOCC)បានបើកវគ្គបណ្តុះបណ្តាលដល់មន្រ្តី  ពាក់ព័ន្ធនឹងវិស័យ

កីឡានៅខេត្តបាត់ដំបងម្តង និងជាគម្រោងចុងក្រោយដែលអនុវត្តនៅតាមរាជធានី ខេត្ត 

នៃឆ្នាំ ២០១២។

​​មន្រ្តីគ្រប់គ្រោងវគ្គសិក្សាបានឲ្យដឹងថា ខេត្តបាត់ដំបងជាខេត្តចុងក្រោយគេ ដែលទទួលបាននូវវគ្គសិក្សាបែបខាងលើ ក្រោយពី គម្រោងខាងដើមបានអនុវត្តរួចហើយនៅ​ខេត្តចំនួន២រួចមក តាមរយ:ជំនួយរបស់អង្គការសាមគ្គីអូឡាំពិក ដែលមាន NOCC ជាអ្នក អនុវត្តគម្រោង។

ឯកឧត្តម វ៉ាត់ ចំរើន អគ្គលេខាធិការ NOCC ធ្វើបទបង្ហាញដល់សិក្ខាកាម

លោក ឈួន ឡេង អនុប្រធាននាយកដ្ឋានរដ្ឋបាល NOCC និងជាអនុប្រធានវគ្គនេះ បាន មានប្រសាសន៍ថា «ដូចនៅខេត្តផ្សេងៗទៀត ដែរ​វគ្គដែលធ្វើនៅខេត្តបាត់ដំបង មានសិក្ខាកាម ចូលរួមចំនួន២៦នាក់ មកពីផ្នែកពាក់ព័ន្ធនឹងការងារកីឡារបស់ មន្ទីរអប់រំយុវជន និង កីឡាខេត្ត​ និងជាខេត្តចុងក្រោយគេលើការអនុវត្តគម្រោងរបស់ OS ក្នុងឆ្នាំនេះ»។

ឯកឧត្តម វ៉ាត់ ចំរើន អគ្គលេខាធិការ NOCC បានមានប្រសាសន៍ថា« ក្នុងឆ្នាំនេះ NOCC បានទទួលជំនួយជាវគ្គដូចខាងលើបាន ចំនួន ៣ដង​ រាប់ទាំងវគ្គនេះផង ដោយលើកទី១​ធ្វើនៅខេត្តព្រះវិហារ លើកទី២នៅខេត្តបន្ទាយមានជ័យ និងលើកនេះធ្វើនៅខេត្តបាត់ដំបង »។

សិក្ខាកាមក្នុងវគ្គសិក្សារដ្ឋបាលនៅខេត្តបាត់ដំបង

ឯកឧត្តម វ៉ាត់ ចំរើន បញ្ជាក់ទៀតថា« ក្រៅពីនេះ NOCC នៅបានទទួលជាវគ្គសិក្សាបច្ចេកទេស គ្រូជំនាញមួយឆ្នាំៗបាន៣ ទៅ៤វគ្គ ផងដែរ ដូចជាក្នុងឆ្នាំនេះ NOCC បានបើកវគ្គហ្វឹកហ្វឺនគ្រូជំនាញលើប្រភេទកីឡាចំនួន៤គឺ ហុកគី កាយសម្ព័ន្ធ តេក្វាន់ដូ និងអត្តពល កម្ម តាមរយ:ជំនួយជាហិរញ្ញវត្ថុពី OS និងគ្រូជំនាញមកពីសហព័ន្ធអន្តរជាតិ។ រាល់ជំនួយរបស់OS បានតែលើប្រភេទ កីឡាអូឡាំពិក តែប៉ុណ្ណោះ»។

​សូមបញ្ជាក់ថា វគ្គនេះមានគ្រូឧទ្ទេសនាមចំនួន៣នាក់គឺ លោក វ៉ាត់ ចំរើន ​  លោក បឹង កឹមតោ ​​និងលោកវេជ្ជបណ្ឌិត ស្តើង ជា​ ។

វគ្គសិក្សាបាន​ចាប់ផ្តើមពីថ្ងៃទី១ ដល់៥ ខែវិច្ឆិកា​ ឆ្នាំ២០១២ ​៕